اهداء لكل من سيساهم بالمشاهدة او الرد و اهداء خاص لصديقتى , نعم الصديقة هي, و اكيد في مشاعر حلوة منى ليها , لكن مش هى الحقيقة اللى اعيش عليها ,بنت زى الحلم ما تحلمشي باكتر من انها تكون حلم
قالت يا صاحبي خايفة عليك من العيون
خايفة مشاعرك يوم تهون
و تنسى احساس صديق و صادق
و لو حتى كدب, فيها ايه لو يكون
خايفة ليحسدونا ناس
و خايفة ناس و ناس تقول
ان اللى بينهم ده مش مجرد خواطر
ارد اقول
لا زمان, لا مكان, لا هوى
و لا قلب قالو انه حب و انكوى
و لا كلمة مكتوبة تحلم بيها العيون
و لا حتى لمسة ايد بيننا لن تكون
اسمعوا و شوفو من زمان و لحد 150 سنة
كان الفلان يسمع ان الفلانة بنت وصف لكل حلم
ادى القريب و ادى فارس سافر عشانها كام سنة
اما الغوانى و السبايا كانوا سلعة تتنقل من ايد لإيد
و بص شوف من زمن مش بعيد
من عصر سي السيد كانت البنت ما تشوفها العيون
درة و مكنونة مصونة موعودة لحبيبها الوحيد
صوتها همس و خجلها آية عذرية تعشقها حتى الجنون
في السبعينات البنت هانت و كل حد له حدود
جواب و تليفون و بالكتير خروجة بعد انتهاء يوم دراسي
اما ولاد الحلال يدخلو من الباب على بنت الاصول
دار الزمان سفن الخجل هجرت الموانى و المراسي
و تعالى شوف و شوف فى زماننا المشاعر
اسوأ استخدام للتكنولوجيا ما بين عبث و حب فارغ
و كلام وعود و عهود و اغانى شاعر
تسليه بيصيبها الملل, وقت ضايع امانى عقل فارغ
يا صديقتى من يقول انك تكونى ليا و لغيري سبية
كلمة عشق تتقال لك من سفيه بدل المرة 100
و بقلب معلول له تستجيبى ,حذار دى غلطة مش هدية
و اللى شائه المولى راح يكون بصبر و اخلاص و نية
موضوع: كلام بينى و بينكم 
الأحد يناير 03, 2010 5:34 pm
