كان يوم اسود من ساعه ما عنيا سابت النوم
الجزمه بتاعتى اتقطعت وادى الحزام مفروم
ودماغى كانت وجعانى مكسورة نفسى ومهموم
سلمت لله امرى وقعدت اكوى الهدوم
ياقه القميص اتحرقت والبالطو اهو مخروم


ضربت الدنيا صرمه وقلت انزل شويه
اول ما نزلت الشارع قابلت الست زكيه
اصل انا بتشائم منها وبحس انها مؤذيه
حسيت بدموعى بتنزل والدنيا بيضه حوليا
اتارنى مخدتش بالى شجرة دخلت فى عنيه




شويه وجه ميعاد الشغل والجهاد
عشان اروح اتهبب لازم اسافر بلاد
رحت ركبت المواصله بعد ما جبت الزاد
يعينى على ديه مواصله وقوف زى القعاد
مقعد وفيه مسامير ووليه شايله واد
يا المسامير تقطع هدومك يا يسقيهالك الواد


نزلت عند شغلى قلت خلاص هانت
واليوم هيبقى راحه لحظه فرح وحانت
دخلت باب المكتب من فرحتى ساكت
على مكتبى وردة فجاة لقيتها دابت
عصفورتى بنت امبارح بردة لوحدها ماتت


من خوفى طلعت اجرى على بيتى فى ثانيه
وصلت باب عمارتى مخطوف فى دنيا تانيه
لونى زى اللمونه ليه العذاب يا دنيا